Ay aalam shauq kaa dekhaa na jaaye
vo but hai yaa Khudaa dekhaa na jaaye
ye kin nazaron se tum ne aaj dekhaa
ke teraa dekhanaa dekha naa jaaye
hameshaa ke liye mujh se bichhaD jaa
ye manzar baarahaa dekhaa na jaaye
Galat hai jo sunaa par aazamaa kar
tujhe ai baavafaa dekhaa na jaaye
ye maharuumii nahiin paas-e-vafaa hai
ko_ii tere sivaa dekhaa na jaaye
yahii to aashnaa banate hai aaKhir
koii naa-aashnaa dekhaa na jaaye
’Faraz’ apane sivaa hai kaun teraa
tujhe tujh se judaa dekhaa na jaaye