Is Daur-E-Bejunun Ki Kahani Koi Likho

Is daur-e-bejunun ki kahani koi likho
Jismon ko barf khun ko pani koi likho

Koi kaho k hath qalam kis tarah hue
Kyun ruk gai qalam ki ravani koi likho

Kyon ahal-e-shauq sar-va-gareban hain dosto
Kyon khun-ba-dil hai ahad-e-javani koi likho

Kyon surma-dar-gulu hai har ek tayar-e-sukhan
Kyon gulsitan qafas ka hai sani koi likho

Han taza sanehon ka kare kaun intazar

Han dil ki varadat purani koi likho