Ahmad Nadeem Qasmi Urdu Touching Shayari Sad Ghazal

Zist azar hui jati hai
Sans talwar hui jati hai

Jism bekar hua jata hai
Ruh bedar hui jati hai

Kan se dil main utarati nahi bat
Aur guftar hui jati hai

Dhal ke nikli hai haqiqat jab se
Kuch purasrar hui jati hai

Ab to har zakhm ki munband kali
Lab-e-izhar hui jati hai

Phul hi phul hain har simt 'Nadeem'
Rah dushwar hui jati hai