Ye dil ye pagal dil mera kyon bujha gaya awaragi
is dasht main ik shahar tha wo kya hua awaragi
kal shab mujhe be-shakl si awaz ne chaunka diya
main ne kaha tu kaun hai us ne kaha awaragi
ik tu ki sadiyon se mere hamrah bhi hamraz bhi
ik main k tere nam se nashna awaragi
ye dard ki tanhaiyan ye dasht ka wiran safar
ham log to ukta gaye apni suna awaragi
ik ajnabi jhonke ne jab pucha mere gam ka sabab
sahara k bhigi ret par main ne likha awaragi
le ab to dasht-e-shab ki sari wusaten sone lagin
ab jagna hoga hamain kab tak bata awaragi
kal rat tanha chand ko dekha tha main ne khwab main
'Mohsin' mujhe ras ayegi shayad sada awaragi
