Urdu sms sad Ghazal- Chaand tanhaa hai aasman tanhaa

Chaand tanhaa hai aasman tanhaa
dil milaa hai kahaaN kahan tanhaa

bujh gaii aas chhup gayaa taaraa
thar-tharaataa rahaa dhuaan tanhaa

zindagii kyaa isii ko kahte hain
jism tanhaa hai aur jaaN tanhaa

ham-safar ko’ii gar mile bhi kahiiN
donoN chalte rahe tanhaa tanhaa

jaltii bujhtii si raushnii ke pare
simTaa simTaa sa ek makaan tanhaa

raaH dekhaa karegaa sadiyon tak
chhor jaayeNge ye jahaan tanhaa