Zahid Masood Urdu miss you ghazal shayari

Bicchar ke tujh se terii yaad ke nagar aaye
ke ek safar se ko’ii jaise apne ghar aaye

hamaare saath rukegii hamaarii tanhaa’ii
tumhaare saath gaye jo bhii dar-ba-dar aaye

gumaan bhaTakne lage the pas-e-nigaah magar
chiraaGh duur se jalte hu’e nazar aaye

chhaTaa Ghubaar to raahoN meN kitne phuul khile
bajii jo Daff to fasiilon pe kitne sar aaye

bahaar raas na aayii qafas-nashiinoN ko
uraan bhuul gaye juunhii baal-o-par aaye