Urud very romantic poem -Ajab Pagal C Larki Hai

Ajab Pagal C Larki Hai 

Mujhe Her Roz Kehti Hai

Batao Kuch Naya Likha

Main Jab Bhi Uss Se Kehta Hoon
Haan Ik Nazm Likhi Hai
Mgar Unwaan Dena Hai
buhat Bechain Hoti Hai
Wo Kehti HaiAcha Sunao
Main Ussy Ik Acha Sa Unwaan Deti Hoon
Wo Meri Nazam Sunti Hai
Or Usski Bolti Aankhain
Kisi Misray Kisi Tashbeeh Per Yu Muskurati Hain
Mujhe Lafzoon Se Kirnain Photti Mehsoos Hoti Hain
Wo Meri Nazm Ko Acha Sa Ik Unwaan Deti Hai
Or Uss K Aakhri Misray K Neechy Ik Ada-E-Benayazi Se
Wo Apna Naam Likhti Hai
Main Kehta Hoon
Suno
Ye Nazm Meri Hai
To Phir Tum Ne Kyon Apny Naam Se Mansoob Ki Hai"
Meri Ye Baat Sun K Usski Aankhain Muskurati Hain
Wo Kehti Hai
Bara Sada Sa Rishta Hai
K Jesy Tum Mery Hoo
Iss Terha Ye Nazm Meri Hai