Ahmed Faraz Best Love Ghazal Shayaril - Is Se pahale ke bevafa ho jayain

Is se pahale ke bevafa ho jayain
kyon na ai dost ham juda ho jayain

tu bhi hire se ban gaya patthar
ham bhi kal kya se kya ho jayain

ham bhi majaburiyon ka uzr karain
aur kahin aur mubtala ho jayain

ishq bhi khel hai nasibon ka
khak ho jayain kimiya ho jayain

ab ke gar tu mile to ham tujh se
aise lipatain teri qaba ho jayain

bandagi ham ne chor di hai 'Faraz'
kya karain log jab khuda ho jayain