Aik shaam - Urdu depressing dreamy poem sms poetry

 pahaar kii bulandion se
barhte saaye
girte aa rahe hain
shaam kii fasurdagii men
aik surkh dor sii, ufaq kii
jhilmilaa rahii hai
vaadion men
ek udaas raagnii kii guunj sii lapak gayii
biraah kii aag
naGhmaa ban ke jaag uth thii
ufaq kii Dor Tuut kar
kisii amiiq Gaar kii siyaahiyoN men kho gayii
udaas raagnii kii guunj
chiiKh ban ke rah gayii