Suna Hai Log Use Ankh Bhar Ke Dekhte Hain-Full poem

<div dir="ltr" style="text-align: left;" trbidi="on"> <br /> <div align="center"> <b><br /></b></div> <div align="center"> Suna hai log use ankh bhar ke dekhte hain<br /> So us ke shahar main kuch din thahar ke dekhte hain</div> <div align="center"> Suna hai rabt hai us ko kharab halon se<br /> So apane ap ko barbad karake dekhte hain</div> <div align="center"> Suna hai dard ki gahak hai chashm-e-nazuk us ki<br /> So ham bhi us ki gali se guzar kar dekhte hain</div> <div align="center"> Suna hai us ko bhi hai sher-o-shayari se shagaf<br /> So ham bhi mojaze apane hunar ke dekhte hain</div> <div align="center"> Suna hai bole to baton se phuul jharate hain<br /> Ye bat hai to chalo bat kar ke dekhte hain</div> <div align="center"> Suna hai rat use chand takata rahata hai<br /> Sitare bam-e-falak se utar kar dekhte hain</div> <div align="center"> Suna hai hashr hain us ki gazal si ankhain<br /> Suna hai us ko hiran dasht bhar ke dekhte hain</div> <div align="center"> Suna hai din ko use titaliyan satati hain<br /> Suna hai rat ko jugnuu thahar ke dekhte hain</div> <div align="center"> Suna hai rat se barh kar hain kakulain us ki<br /> Suna hai sham ko saye guzar ke dekhte hain</div> <div align="center"> Suna hai us ki siyah chashmagi qayamat hai<br /> So us ko surmafarosh ankh bhar ke dekhte hain</div> <div align="center"> Suna hai us ke labon se gulab jalate hain<br /> So ham bahar par ilzam dhar ke dekhte hain</div> <div align="center"> Suna hai aina tamasal hai jabin us ka<br /> Jo sada dil hain ban sanvar ke dekhte hain</div> <div align="center"> Suna hai jab se hamail hain us ki gardan main<br /> Mizaj aur hi lal-o-gauhar ke dekhte hain</div> <div align="center"> Suna hai chashm-e-tasavvur se dasht-e-imkan main<br /> Palang zave us ki kamar ke dekhte hain</div> <div align="center"> Suna hai us ke badan ke tarash aise hain<br /> Ke phuul apani qabayain katar ke dekhte hain</div> <div align="center"> Wo sarv-qad hai magar be-gul-e-murad nahin<br /> Ke us shajar pe shaguufe samar ke dekhte hain</div> <div align="center"> Bas ek nigah se lutata hai qafila dil ka<br /> So rahravan-e-tamanna bhi dar ke dekhte hain</div> <div align="center"> Suna hai us ke shabistan se muttasil hai bahisht<br /> Makin udhar ke bhi jalve idhar ke dekhte hain</div> <div align="center"> Ruke to gardishain us ka tavaf karati hain<br /> Chale to us ko zamane thahar ke dekhte hain</div> <div align="center"> Kise nasib ke be-pairahan use dekhe<br /> Kabhi kabhi dar-o-divar ghar ke dekhte hain</div> <div align="center"> Kahaniyan hin sahi sab mubalage hi sahi<br /> Agar wo khvab hai tabir kar ke dekhte hain</div> <div align="center"> Ab us ke shahar main thaharain ki kuuch kar jayain<br /> 'Faraz' ao sitare safar ke dekhte hain</div> </div>

Suna Hai Log Use Ankh Bhar Ke Dekhte Hain-Full poem

Suna hai log use ankh bhar ke dekhte hain So us ke shahar main kuch din thahar ke dekhte hain Suna hai rabt hai us ko kharab halon se So apane ap ko barbad karake dekhte hain Suna hai dard ki gahak h…

Read more »